Yiɣi chaŋ yɛligu maŋamaŋa puuni

Christ Apostolic Church

Diyila Dagbani Wikipedia
Christ Apostolic Church
Christian denomination
Di pilli ni1941 Mali niŋ
Yu'maŋliChrist Apostolic Church Mali niŋ
Ŋun piliJoseph Ayọ́ Babalọlá Mali niŋ
TiŋaNigeria Mali niŋ
Wakati luɣiliUTC+01:00 Mali niŋ
Tiŋgbaŋ yaɣili calinli7°24′58″N 3°53′42″E Mali niŋ
Bal' tɔɣasiraSilmiinsili Mali niŋ
Lahabaya dundɔŋ din mali dihitabilihttp://www.cacworldwide.net Mali niŋ
Map
 

Christ Apostolic Church (CAC) n nyɛ piligu Pentcost asɔri duu Nigeria tiŋgbani ni. Di daa pilila 20th century piligu hali ni di sunsuuni polo, bɛ ni daa na be British nim sulinsini saha shɛli maa. Bɛ daa pili li la Ijebu-ode yuuni 1918 ka bɛ daa na booni li Precious Stone Society, amaa bɛ daa yihi li mi poloni yuuni 1941, di ni daa niŋ ka bɛ waligi li ka che Apostolic Church maa, Aladura organisation nima (Faith Tubernacle) daa boli la bɛ ni daa waligi ba la che shɛba maa Nigeria. Ŋun daa niŋ ninmɔhi ka di zoogi n nyɛ Joseph Ayo Babalola, o daa nyɛla ŋun duhiri pala malibu loorinima ka daa nyɛ piligu ŋun daa lɛbi asɔri duu maa General Evangelist.[1]

Christ Apostolic Church nyɛla din mali Secondary shikurunim mini Entrepreneurial University, ka bɛ zaŋ piligu General Evangelist yuli n-ti li, Joseph Ayo Babalola University[2] (JABU) ka di be Ikeji Arakeji din be Osun state Nigeria tiŋgbani ni.[3][4] Pastor Samuel Olusegun Oladele nyɛla bɛ ni daa piigi so ka o leegi zuɣulan ŋun pahiri anii n zaŋti Christ Apostolic Church Worldwide, silimin goli March biɛɣu pishi dali yuuni 2021.

Di taarihi

[mali niŋ | mali mi di yibu sheena n-niŋ]

Christ Apostolic Church nyɛla Afrika asɔri du' kurili shɛli Precious Stone Society (Faith Tabernacle) niriba ban daa waligi ka che Apostolic Church yuuni 1940 la ni daa pili shɛli.[5] Asɔri duu maa taarihi jandi ban kpa li maa, bana n nyɛ Isaac Babalola Akinyele, Joseph Ayo Babalola, David Odubanjo, Joseph Esinsinade, ni Miss Sophia Odunlami.

Pɔi ni lala saha maa, Christ Apostolic Church mini Apostolic Church (Diamond bee Precious Stone lala saha maa) daa pun biɛla Nigeria luɣishɛŋa, amaa ka daa laɣindi St Savior's Anglican Church n jamdi Naawuni.[6] Anglican Church nim maa daa bi saɣi n-ti banbala maa ni jamdi Naawuni sham maa, dinzuɣu ban ban daa bɛ banbala polo ka tumdi Anglican Church maa zaa daa yi la tuma maa ni. Di ni daa niŋ ka Great Revival[1] daa pili yuuni 1930 silimin goli July puuni, niriba daa zaŋla bɛ kali tima labi ka ninvuɣi tuhituha mi zaŋ bɛ maŋ n-ti Jesus. Silimin goli September biɛɣu pishi ni ata dali yuuni 1931, Pastors D.P Williams, A. Turnbull, ni W.J Williams daa ka la Nigeria[7] na n-ti ti asɔri duu maa ni kpamba ban pa' taba bɛbaayopɔin maa kpamli. Yɛli shɛli din daa paai asɔri duu maa yuuni 1939 hali ni yuuni 1940 daa chɛmi ka asɔri duu[8] maa niriba maa pirigi buyi, tuuli pubu maa n nyɛ Nigeria Apostolic Church, ka bɛ toondana nyɛ Pastor Samuel Adegboyega ka pubu din pahiri ayi maa mi nyɛ Christ Apostolic Church.[9]

Baba Abiye daa nyɛla Christ Apostolic Church kpamba maa puuni yini ka o daa nyɛ General Evangelist paa asɔri duu maa ni, o mini Joseph Ayo Babalola n daa kuli tumdi o nyɛvuli ni.[10]

Bɛ ni dihi yɛli shɛŋa n tabili

[mali niŋ | mali mi di yibu sheena n-niŋ]

Christ Apostolic Church nim ni dihi yɛli shɛŋa tabili daa nyɛla bin pia ni yini, UK Apostolic Church nim dini la, di nyaanga, bɛ daa pahila dibaayi ka di lebi pia ni ata yuuni 1940 la saha.[11]

Di kpamba

[mali niŋ | mali mi di yibu sheena n-niŋ]
  • Pastor Isaac Babalola Akinyele (1943–1964) – ŋuna n daa nyɛ asɔri duu maa zuɣulana hali ni yuuni 1964.
  • Pastor Jacob Soyege Bartholomew Odusona (1964–1966) – o daa deei la zuɣulantali maa Akinyele sani ka niŋ yuma ayi.
  • Pastor Elijah Titus Latunde (1966–1983) – o daa dila zuɣulantali ma yuun pia ni ayopɔin. O daa na nyɛla zuɣulan paa n zaŋti Odusona.
  • Pastor John Dada Obafemi – niriba ayi shaba ban daa deei zuɣulantali maa ka di pala bɛ daa na nyɛla General Superintendent la puuni yino.
  • Pastor Joseph Bolade Orogun (1983–1991) – o daa deei la zuɣulantali maa Latunde sani. O daa kpalim mi n ʒini yiŋa o ni daa na nyɛ General Executive Council ka di nyɛla o yuma n paai ni o ʒinimi yili. Pastor E.A. Faniyan n daa nyɛ ŋun deei n ʒini yuuni 1991 hali ni June 1993.
  • Pastor John Dada Obafemi (1993–1997) – o daa nyɛla zuɣulana yuuni 1993 ka daa labi yiŋa n ti ʒini yuuni 1997.
  • Pastor Elijah Howard Lajuwomi Olusheye (1997–2011) – o daa lɛbila zuɣulana Obafemi ka daa ʒini hali ni silimin goli December yuuni 2011.
  • Pastor Abraham Olukunle Akinosun (2012–2020) – daa lɛbila zuɣulana yuuni 2012 ni hali ni yuuni 2020.
  • Pastor Samuel Olusegun Oladele (2021–present) – n na nyɛ ŋun be nam ni, yuuni 2021 maa hali ni zuŋɔ.

Nyam ŋɔ gba

[mali niŋ | mali mi di yibu sheena n-niŋ]
  • Nigerian sectarian violence
  • Church of the Lord (Aladura)
  • Celestial Church of Christ
  • Eternal Sacred Order of Cherubim and Seraphim
  • Cherubim and Seraphim Society
  • New religious movement
  • St John the Baptist, Kentish Town
  • Redeemed Christian Church of God
  • Living Faith Church Worldwide
  • Deeper Christian Life Ministry
  • Anglican Adam Preaching Society
  • Cornelius Adam Igbudu
  • Onyeka Onwenu
  • Junior Pope

Kundivihira

[mali niŋ | mali mi di yibu sheena n-niŋ]
  1. 1 2 Great Revivals, Great Revivalist - Joseph Ayo Babalola.
  2. ↑ Home (en-GB).
  3. ↑ Babalola, Joseph Ayo, Nigeria/Ghana, Christ Apostolic Church (Aladura).
  4. ↑ Habel, Norman C.; Balabanski, Vicky (2002-10-01). The Earth Story in the New Testament (in English). A&C Black. ISBN 978-0-8264-6060-8.
  5. ↑ BRIEF HISTORY – The Apostolic Church-Ghana (en-US).
  6. ↑ African Indigenous Churches — Chapter Eight (en) (2011-05-11).
  7. ↑ ChurchGistAdmin (2023-09-23). TODAY IN HISTORY: 23rd September (en-US).
  8. ↑ Archive, Project Topics and Materials for Final Year Students | Download Projects & eBooks | Gross. Final year Project Topics and Materials, business Plans, thesis, term-papers, journals & eBooks | Gross Archive (en-US).
  9. ↑ Samuel Adegboyega: Pioneer of Apostolic Pentecostalism in Nigeria – HistoryVille (en) (2019-05-05).
  10. ↑ authority (2022-09-10). THE TRUE STORY BEHIND THE DEATH OF APOSTLE AYO BABALOLA. (en).
  11. ↑ Akande, Lydia Bosede (2018-12-15). "The impact of christ apostolic church on Yoruba diaspora in the New York District" (in en). Ilorin Journal of Religious Studies 8 (1): 15–26. ISSN 2141-7040.
Di yila "https://dag.wikipedia.org/w/index.php?title=Christ_Apostolic_Church&oldid=141191"