Avis Acres

Avis Acres
Tuma

Thyra Avis Mary Acres ( nee McNeill, 26 March 1910- 15 October 1994) o daa nyɛla New Zealand yil'yiinda, Sasabira,ŋun droonyira ni ŋun guri ka taɣiri binyahiri.O daa lahi nyɛla Sokam ni mi ka o sabiri binyahiri ka ŋa kuli pe n- doya viɛnyɛliŋga zaŋ jɛndi pohutukawa fairies, Hutu mini Kawa.

O nyɛvuli puuni lahibali

Avis Acres daa nyɛla bɛ ni dɔɣi so Wellington,New Zealand puuni,Silimiingoli March biɛɣu pishi ni ayɔbu yuuni 1910 la puuni,Bɛ ma daa dɔɣila bɛ bihi anahi amaa ka o lee nyɛ kpɛma bɛ zaa sa . Yuuni 1913 la puuni, ka o mini laamba zaa yi chaŋ Auckland.O daa chaŋ la St Cuthbert's College din be Auckland la ni yuuni 1915 hali ni 1924,O laɣi pooili la zuɣu daa chemi ka o sabiri card nima n-tira shitɔrinima.O daa lahi nyɛla ŋun nya n-tumdi architect's Office ni,ka o tuma nyɛla ŋun koopiri droonyinnima.O ba daa mi o ka o zaɣa be droonyin puuni ka o daa nyɛ ŋun kpansiri o zaŋ kpa di polo,Avis daa lahi nyɛla ŋun chana yuŋ n-ti bɔhindi pɛin mini inki zaŋ droonyira shikuru bɛ booni Druleigh School of Art on Queen Street. Lala bɔhimbu ŋɔ n-daa ti o suhuʒia ka o tooi sabi o tuuli binyahiri droonyinnim bukunima la,buku din yuli n-booni Adventures of Twink mini Wink la.Auckland Star daa nyɛ din zaŋ lala buku ŋɔ n-wuhi salo.

Avis mini o zosumo daa nyɛla ban laɣim n-niŋ daabiligu zaŋ jɛndi pɛɛintin mini binyahiri nachiisi dihibu polo.

Avis daa kuli la doo ŋun yuli booni George Audley Johnston Acres la ( ŋun yu'paa daa nyɛ Bob,Bob Acres nyaanŋa) Siliimingoli August 14,1935.O mini o yidana maa daa dala nohi wumsibu puu Hamilton guli nyaanŋa,ka daa boli li 'Acreage '.Avis daa nyɛ la ŋun kpandi o maŋa Anglican yiŋa puuni,dina lahi nyɛ NZ National Party and Plunket Society. Lala saha maa,o daa nyɛ la ŋun bɔhim baŋsim shɛli din nyɛ kpam zaŋ pɛɛintiri binyahiri Ida Carey puuni.

1950 yuuni la,Avis mini Bob yi chaŋ tiŋa yuli booni Taupo,ka bɛ daliri daa nyɛmi nimaani tiŋ'gbani biɛhigu ni deei Bob,Domini o nyɛ la ŋun mali nyɔɣini doro tum o bilim ni o ni daa na nyɛ pishi ayi.Bɛ zooiya ka bɛ kuli labiri lɔhiri tinsi, tuuli tiŋa daa nyɛla Levin,din pahiri daa nyɛ la Te Horo,bahigu n-daa nyɛ Tauranga. Avis kpila Silimiingoli 15 October, 1994,O daa nyɛla ŋun bi dɔɣi.

O Nyevuli Puuni o ni Daa Bɔhim Tuun'baŋsim Shɛŋa

Acres daa nyɛla sokam ni mi ka o mi binyahiri droonyibu zaŋ kpa pohutukawa fairies,Hutu mini Kawa,din daa nyɛ bɛ ni bɛ zaŋdi wuhiri salo pɔhim zuɣu bakoi kam bibihi page zuɣu New Zealand Herald silimiingoli September 1950 to July 1960, ka di nyɛla bukunima ata A.H.& A.W. Reed.Acres daa nyɛla ŋun mali nyinnyambo ka ŋma buku yuli booni Hutu mini Kwa baayan o daa karim buku yuli booni Gum Nut Babies Australia sasabira buku lala ka daa mali dihitabili ni o ni di nasara o tuma maa puuni. Hutu mini Kawa bukunima maa daa nyɛ la bɛ ni daa lahi zaŋ wuhi salo 1990 yuuni la,Heinemann Reed. 1956 yuuni la,Acres daa lahi ŋun yihi buku pal'shɛli bɛ ni boli Opo Gay Dolphin,di daa nyɛla anfooni buku daa kuli jɛndi Opo lahibali maŋmaŋa, bottlenose dolphin ŋun daa be North Island town of Opononi. Silimiingoli November 1978 hali ni1984, O daa sabila buku shɛli din wuhiri bibihi kulisi booibu ,ni buku shɛli din gba yuli booni noon'bihi shɛba n-ni chirigi,ni buku shɛli din gba yuli booni nyɔŋ goli mini nobihi biɛhigu shee.O daa lahi sabi buku din lahibali jɛndi wahu ŋun yuli booni Dick ka di gba zani ti wahu mini o bia biɛhigu shee. Acres daa lahi sabi buku shɛli din jɛndi baŋsim bɔhimbu yaɣili,Ninvuɣ'so ŋun yuli booni Reed daa nyɛ ŋun zaŋ li wuhi salo ka lahi zaŋ li wuhi shikuru ti.

Bachi kpana

• The Adventures of Hutu and Kawa (yuuni 1955)
• Hutu and Kawa Meet Tuatara (yuuni 1956)
• Opo the Gay Dolphin (yuuni 1956)
• Hutu and Kawa Find an Island (yuuni 1957)