Ahmed Errachidi

Ahmed Errachidi
Tangier (en) , 1966 (run 59/60)
O ya Tiŋgbaŋ	Moroco
Residence	Guantanamo Bay detention camp (en)
A ya balli	Berber (en)
Education
Bala yɛlibu, sabbu bee buɣisibu	laribanchi Berber (en)
Tuma
Tuma	chef (en)

Ahmed Rashidi (ka o lahi diri Ahmed Errachidi) nyɛla Morocco ninvuɣ'so bɛ ni daa bɛ di sariya ka niŋ o sarika United State nim linjimanim sarika duu din be Cuba la. Rashidi sarika benibu kalinli daa nyɛla kɔbisinu ni pihiwoi(590). Ban daa su bɛ gubu o ni daa be yaɣ'sheli maa daa yaliya, ni bɛ daa dɔɣi o la silimin goli March biɛɣu pia ni apoin 1966 yuuni Tangier din be Morocco la ni.

Rashidi alikale, Clive Stafford Smith, daa sabila gbaŋ din wuhiri ni ŋuni n su o talahi silimiin goli June biɛɣu pia ni anahi, yuuni 2006, ka di fiila n zaŋ kpa America nima ni daa niŋ shɛm zaŋ kpa dansarika nima ata ban daa yili bɛ maŋ mia silimin goli June biɛɣu pia dali, 2006 yuuni la ni. Smith fiila maa daa kuli nyɛla din jɛndiri sarika maa kpamba ni daa lo nia ni bɛ gu ka taɣi maŋ miɛɛ yilibu ka dɛ zuɣu chɛ ka bɛ ninkuunsi kpaŋsi bɛ zuɣu. O yɛltɔɣa kpani daa kuli nyɛla Colonel Michael Bumgarner ni daa moli ni o yɛn zaŋla niriba anu chaŋ ka bɛ ti zaŋ yaa n kpe n ti zaŋ yaa n fuɣi Rashidi sarika nema maa. Smith daa yɛliya ni Rashidi zuɣu polo daa pun ka alaafee poi ka bɛ naan yi zaŋ o na sarika maa ni.

O zaashee zaŋchaŋ o tiŋgbani zuɣu tuhibu polo lab'lihi

Lahibali zuɣu: O tiŋgbani zuɣu tuhibu polo o zaashee  lab'lihi sariya dibu Rashidi daa bɛ chaŋ o tiŋgbani zuɣu tuhibu polo o zaashee  lab'lihi sariya dibu ni.

O sarika bɛnibu shɛhira gbana

Bɛ daa zaŋla Rashidi sarika gbana din diri o sarika bɛnibu shɛhira n ti bɛ kpamba maa. Bɛ daa zaŋla o shɛhira gbana din diri o shɛhira ka be ban su o biɛhigu fukumsinim sani maa n wuhi salɔ. Rashidi gbana maa biɛlima daa yiɣisi la biɛlimli pishi yinika waɣilim.

Sariya karitiba daa labi vihi o zaashee silimin goli October daba ayopɔin dali 2004 yuuni.

Bɛ daa Karim la o maŋmaŋ yɛltɔɣa shɛli din daa be lala laɣingu maa ni ka bɛ daa kɔlivai dɛ shɛhira nim maa n ti o, ka dɛ yɛra:

Dansarika nira suhi daa yiɣisiya n bahi n mini ŋun lɛbigiri yɛltɔɣa maa zuɣu. Dansarika nira maa daa kuli parila US Gomnanti maa lahinla o ʒii maa puuni. Lala saha maa, bɛ daa karimla yɛltɔɣa ŋma shɛli din daa dɔ poloni maa n wuhi o, ka o suhi daa yiɣisi n pahi ka diri suhi yiɣisili fiila. O daa piligi o maŋ vuubu n miriti teebuli shɛli din be n mini o sunsuuni maa. Dinsaha maa, ka n daa wurim ʒii maa.

Ban su bɛ sarika ni bɛnibu mini yibu yikɔ

Bɛ daa gbaami ni dansarika nim shɛba ban  zaashee zaŋchaŋ bɛ tiŋgbani zuɣu tuhibu polo daa nyɛ "ŋun zabiri tiŋgbani maa zuɣu" daa yan ʒinimi n wum ban su bɛ sarikani benibu bee bɛ yibu fukumsi fiila.Lala fiila ŋɔ daliri daa nyɛmi, ni bɛ yan zahim ba mi n nya barina bo ka bɛ yan tum bɛ yi bahi ba,bee bɛ yi yan taɣi ba bɛhigu shɛɛ, ka lahi yuli n nya daliri shɛŋa din wuhiri ni bɛ di na yihi ba sarika maa ni.

Rashidi tiŋgbani zuɣu zabbu shɛhara gbana shaŋa din daa yina o biɛhigu fukumsinim sani daa dihitabili ni o nyɛla "ŋun  zabiri tiŋgbani maa zuɣu", din zuɣu ka o daa yan piligi ban su bɛ sarikani benibu mini bɛ yibu yuuni kam fiila wumbu. Dinzuɣu, gbaŋ shaŋa tiŋgbani buɣibahi ni daa zaŋ wuhi salɔ silimin goli September yuuni 2007 puuni maa daa wuhirimi ni o bɛ daa naʒin che ka o ʒini n wum yuuni kam fiila maa. Shɛhira ŋma shɛli daa kani n wuhiri o lala fiila maa wumbu.Pɔi ka bɛ daa yan labisi o o ya, bɛ daa buɣisi la Rashidi ni o nyɛla dansarika ninvuɣi so bɛ ni bahi. Amaa gbaŋ shɛli daa ka ban su bɛ sarika benibu mini bɛ yibu sani n wuhiri ni bɛ mali gbana din wuhiri ni bɛ bahi o bee bɛ labisi o shɛlipolo.

Boston duniya vihisi niŋbu la

Nashaara goli July biɛɣu pia nI anahi dali, yuuni 2006, "The Boston Globe" daa yina ni bɛ vihisi shɛŋa bɛ ni daa niŋ lahabaya n-jendi bɛ ni daa niŋ shɛba fukumsi/n-di shɛba saha Guantanamo. Rashidi daa nyɛla bɛ ni yɛli bɛ puuni so yɛltɔɣa."Globe" daa ti lahabali ni Rashidi daa nyɛla bɛ ni zilisi so ka o chaŋ "al Farouq training camp" din be Afghanistan. "Globe" maa yɛltɔɣa ni wuhi shɛm:

US maa linjimanima daa zilisiya Ahmed Errachidi... ka o nyɛ ŋun deeri baŋsim "Al Farooq training camp" Anashaara goli July yuuni 2001, ka bɔhindi tɔbu nɛma zaŋ tum tuma, tɔbu ŋmebu baŋsim, ni bompi-nim malibu.' Amaa Chris Chang, ŋun daa nyɛ ŋun niŋdi vihigu tiri bɛ ni zaŋ shɛba labisi bɛ ya' nima, daa nyaya ka Errachidi nyɛla ŋun duɣiri London bindirigu kɔhibu duri ayi ni, Westbury mini Archduke, Anashaara goli July yuuni 2001. Chang daa zaŋ di yori shɛhira nim n-ti "Globe".

Gom mɔŋbu

Anashaara goli August dabaayopɔin dali, yuuni 2008 "The Washington Post'' daa yihi lahabali na ni Guantanamo daa birigi zaligu ka mɔndi bɛ ni gbahi shɛba gom. Lahabali maa daa wuhimi ni Ahmed Rashidi daa nyɛla bɛ ni mali hawa dibaayɔbu bɔhiri so bɔhisi yuŋ kam, ka bɛ naain yi taɣiri biɛhisi shee lala saha maa ni. Ban daa guli ba daa booni lala lala bini ŋɔ "frequent flyer program".

Lahabali din yina wuhi ni bɛ daa saɣiti ni bɛ zaŋ o bahi

Linjima kpɛma-Colonel David Cooper, zaŋti "Office for the Administrative Review of the Detention of Enemy Combatants", daa sabi Rashidi looya Anashaara goli February biɛɣu pishinaayi dali yuuni, 2007.O daa sabimi ni Rashidi mini do' so, Ahmed Belbacha, nyɛla: "...bɛ ni saɣiti ni shɛba yi Guantanamo, dini daa niŋ ka bɛ doli so'doli shɛŋa din tu ni bɛ doli ka bɛ zaŋ ba yi nyaaŋa."

British daa dii bi lahi zaŋ bɛ zaɣa niŋ Guantanamo ninvuɣ'shɛba bɛ ni gbahi ka bɛ be British, amaa ka British bilichininima.

O zo talahi ŋun daa be United Kingdom, Abderrazzak Sakim, n-ti pahi Clive Stafford Smith, daa yɛli Islington Gazette, o lahabali gbaŋ ni, ni bɛ zaɣa zaa daa bela bɛ zaŋ bs labisi Morocco ni, ka bɛ daa yɛ n zaŋ o niŋ Morocco sarika ni. Lahabali maa daa wuhiya ni Rashidi daa bela sarika yuma ata.

Lahabali maa nyɛla din yina Emily Thornberry sani, ni maani jintɔra:

Guantanamo Bay nyɛla zalisi yaa shee. ka Ahmed Errachidi nyɛ ŋun be Guantanamo ka nyɛ ŋun zuɣupuri daa dam pam. Di daa bi tu ni o kuli be Guantanamo Bay ka di daa kuli bi lahi tu ni o be ni yuui.

Di kuli bi saɣiti ni Ahmed be muɣisigu ni kamani di bɔŋɔ, ka tiŋgbana maa daa yihi bɛ nuu ka che bɛ ni daa gbubi bɛ shɛba US.

O daa mali yiko din ni tooi labi na Britain. Ahmed daa nyɛla di ni tu ni bɛ bahi so yom, George Bush ni daa yɛli shɛm.

Bɛ zaŋ bahi mini bɛ ya labbu

"Department of Defense" lahabali wuhiya, Anashaara goli April biɛɣu pishinaayɔbu dali, yuuni 2007, ni lala bɛ ni daa gbahi bɛ niriba ayi shɛba bɛ ni daa gbahi maa nyɛla bɛ ni daa lahi labisi shɛba bɛ ya'nima, yino yaa daa nyɛla Morocco, ka yino mi yaa nyɛ Afghanistan. Tuuli DoD daa bi saɣi ni bɛ bahi bɛ lala niriba ayi maa. Amaa di daa ti pa yi polo ni Ahmed Rashidi n daa nyɛ Morocco nira maa, ni ka bɛ bi yihi o labisi tiŋ'shɛli.

Bɛ daa bi deei Rashidi liɣiri, amaa Morocco kpamba daa gbubi o yuui, bɛ ni daa ti labisi o.

Rashidi daa nyɛla bɛ ni daa zaŋ so bahi Alaamishi dali, Silimiin goli May dabaata dali, yuuni 2007. Reuters daa yihila lahabali na ni Rashidi daa nyɛ ŋun go n-chaŋ Pakistan, luɣ'shɛli bɛ ni daa ti gbaagi o ni yuuni 2001, ni o ti bo liɣiri ka bɛ tibi o bi'dibiga suhuni doro.

Yuuni 2009 Michelle Shephard bɔhisi bɔhibu

Anashaara goli March yuuni 2009 Rashidi daa nyɛla bɛ ni bɔhi so bɔhisi, "email" din daa yina o yiŋa Tangiers, ka yina Toronto Star lahabali tira yuli booni Michelle Shephard sani, ŋun sabi buku yuli booni "Guantanamo's Child", buku din jendi bɛ ni daa gbaai so Guantanamo ka o yuli booni Omar Khadr. Shephard yɛltɔɣa ni uhi shɛm, Rashidi yɛliya ni Khadr yɛla daa niŋ bɛ ni gbahi bɛ shɛba maa nambɔɣu pam, ka di nyɛla o daa pɔrimi yaɣi.

Memoir

Yuuni 2013 piligu, Errachidi daa yihi "memoir" na, "The General: The ordinary man who challenged Guantanamo". Marco Giannangeli yɛltɔɣa ni daa wuhi shɛm, ŋun daa labi lihi buku maa ka zaŋti "Daily Express", Errachidi daa malila dihitabi ni o nyɛla bɛ ni nori so napɔŋkpahi zaŋ zaŋ o bɔhisi polo, dini daa ti niŋ ka bɛ baŋ ni o ka taali yuun gbaliŋ nyaaŋa, pirimla US linjimanima daa zaŋla Guantanamo niŋ shikuru ni bɛ lɛ bɔhi-bɔhiriba baŋsim. Giannangeli daa yɛliya ni Errachidi buɣisila Guantanamo bidibisi gbahi kpe "ground zero"— "World Trade Center" binkura ni be shɛli. Giannangeli daa wuligi lahabali zaŋ chaŋ Errachidi ni daa nyɛ bɛ ni gbahi shɛba puuni yino ka o daa wumdi Siliminsili, ka daa mirisi o ka o niŋ kpɛm bɛ ni daa gbahi shɛba maa ni. Ban daa guli ba daa pala Errachidi yupaa "The General".

O mini Gillian Slovo n daa laɣim sabi buku maa, South Africa sasabira mini shinii yaara.

2013 bɔhisi bɔhibu zaŋti New American Media

Anashaara goli May, yuuni "2013 hunger strike" saha Rachedi daa nyɛla "New American Media" ni daa bɔhi so bɔhisi. Rachidi daa yɛliya ni o nyɛla ŋun nya kum ni lu pam bu'shɛm zuɣu, ka buɣisiri kum lubu ni nya binshɛɣu. O daa yɛliya ni lala kum ŋɔ pala din yɛn che ka bɛ ni gbahi shɛba labi ti kpe barina ni. Amaa, Rachidi daa yɛliya ni di nyɛla din yɛn che ka bɛ ni gbahoi shɛba maa zabi bɛ maŋ zuɣu. Rachidi daa yɛliya, ni pirimla bɛ ni gbahi shɛba maa ni pa kurigi gari bɛ ni daa be shɛm ka bɛ gbahiba kum din daa pun gari saha, dabiɛm mali o ni bɛ ni gbahi shɛba maa shɛba ti kpi.

Rachidi daa yɛliya ni bɛ bi ti o soli ni o deei "passport" palli, hali din yɛn che ka o chaŋ o "memoir" suuna nmiŋbu ni.

Washiika shɛli o ni daa sabi ti Biden

Anashaara goli January biɛɣu pihita yini ka dali, yuuni 2021, "New York Review of Books" daa zaŋ washiika din do polo ni m-pa pɔhim zuɣu ka di yina Rachidi sani, n-ti pahi niriba ayɔbu shɛba ban daa tuui be Guantanamo, zaŋti tiŋgbani zuɣulana Biden, ka lahabali maa daa wuhiri ni bɛ suhiri o mi ni o kpihi "detention camp".